副刊 (P.17)

陳志雲求神拜佛脫難


五煞氣互衝志雲居

　　堪輿學家區仲德師傅指陳志雲所住的亞皆老街雅麗居五煞氣互衝，西南面被警察總部的黃氣、醫館居大樓的黑氣、九龍法院的紅氣、康復中心的黑氣及車位屬聲意的煞氣，非常不利。「之前陳志雲運勢強勁不成問題，但當踏入虎年，撞正他刑破太歲時，就會變得十分運滯，官非、刑事、口舌會陸續有來。」



猛獅破煞局

　　志雲居窗前突然多了兩隻黑色石獅子，據區仲德師傅指出，用獅子破煞氣的做法古已有之，叫做「猛獅破煞局」。


　　「不過獅子分為石做、或銅做，陳志雲窗前嗰對係石做，加上用黑色，煞氣就更大，而且獅子造型夠威猛，鬃毛起角會力量更大。獅子口合上象徵招財，如果獅子口張開，即獅子吼，就主破煞氣，志雲居窗前的一對石獅子，都是開口，可見是用來破煞氣及消災。」區師傅說。



區仲德批志雲：八月女貴人相救

　　區仲德表示志雲命格（1959年12月20日出生）屬水，今年犯刑破太歲，有四大凶星來犯，包括劫煞星、三刑星、捲舌星及絞煞星，加上虎年上半年水多，陳志雲有太多水，出現「因財啟爭」，小人當道而被人篤背脊，接下來農曆四月（即新曆5月）更甚，會更煩及運程反覆。



五月煩到嘔

　　區表示：「陳志雲依家仲好高調咁，但到農曆四月（即新曆五月）前後，佢會煩到冇聲出，好似銷聲匿跡咁，但踏入農曆八月（即新曆九月），佢會有女貴人相救，睇怕佢都唔使坐監。大步檻過之後，佢喺2014、2015兩年仲會有事業同人生ｏ既高峰期，而且佢仲唔使離開娛槳圈，即係話仲會喺呢行『發圍』。」

副刊 (P.18)
40歲李英愛誕龍鳳胎


相士話：孖B命格旺父母

　　李英愛前日為丈夫鄭豪泳誕下一對龍鳳胎，究竟這對孖B的命格如何？記者昨日致電堪輿學家區仲德了解，他指愛姐的孖B命格旺父母，囝囝學業成績優越，有機會在娛圈發展；囡囡善於理財，長大後從商機會較大。區仲德說：「男嘅命格屬火，因為喺金兔年出世，係桃花年，代表人緣比較好，加上有一粒紅艷星，適宜喺娛樂圈發展，不過命中有陽刃，有機會剋太太，可能有兩次婚姻。女就有少少分別，佢行木火運，應該喺26歲至28歲就出嫁，佢亦都係一個投資人才，多數做生意。」