翠如爸爸秘擁風水發達公屋  -- 東周刊

　　不少名人紅星昔日都是公屋出身，即使飛黃騰達後，貪其風水好，仍保留公屋，望能繼續帶旺自己。

　 　日前，玄學家區仲德走訪翠如BB跟父親黃永華居住多年的馬鞍山恆安邨恆星樓的單位，其風水格局，他透露黃父應是近十年才發迹。「呢個單位南北向，南面有粒名星，西南財星飛到，其實南面呢十幾年至後十年係旺財，所以近十年先容易搵錢。以風水學嚟講，人要納吉氣先承受到旺氣，要不停住响入面先可以，提議佢間中返嚟住一排就更加好。」

　　該屋不但旺黃父，更大旺翠如BB，「風水係跟命，翠如土重，所以土係佢財星，財星亦代表佢爸爸，佢命格旺父，帶動財氣名氣畀對方，今年三月黃父係旺財，表面上財富會愈來愈好。」此外，他指窗外對正球場及巴士站，較聚人氣，令翠如BB易受歡迎，若翠如BB居於能見海單位，會更容易搵四方財，兩父女的財運會更佳。