區仲德指：陳曉華...面相變靚改運旺星途! -- 東周刊
出道短短7年的2018年港姐冠軍陳曉華，近年已經由小花晉升成為「女一」。去年，她更在《萬千星輝頒獎典禮》獲得「飛躍進步女藝員」，這兩年還成為「劇后」，前途無可限量。據知情人士爆料，指出陳曉華雖然是選美冠軍，但於2020年拍攝處女劇《迷網》時，已開始焦慮自己不夠其他花旦上鏡，於是在閨密的推介下，找相熟的醫美中心一年微調3次，並專攻鼻子及蘋果肌，令面孔更加立體，五官輪廓越來越精緻。
造命由天改運由人
坊間有云「造命由天改運由人」，對於陳曉華「變靚咗」的運程，玄學家區仲德博士表示：
「佢過往嘅臉形過圓、臉平，顯『福相壓運』，福氣欠足；另外，先天鼻樑低塌，欠『山根支撐』，星途運低難爆紅，機會易流失，好事多磨！」
反之，陳曉華現時的鼻樑變得直挺，蘋果肌充盈、有彈性，五官很立體， 區博士續說 ：「佢嘅容貎喺相學比例上，達至理想嘅狀態，令佢自信心爆棚，繼而提升個人嘅氣場，吸引更多機會，具明顯開運作用；仲有鼻筆直強化『事業宮』，星途容易獲得力捧！」難怪，陳曉華近年的事業運，不斷向上。
