風水命理開運專家

		雜誌名稱：快週刊刊登日期：2009年4月7日文章主題：袓兒謝安琪夫婦4年恩怨

感情等運到

　　容袓兒和謝安琪都是現時樂壇的天后級人馬，事業發展得好就唔使講，不過感情事就認真麻麻，即使謝安琪與張繼聰結咗婚生埋仔，今年都會有危機。

　　據堪輿學家區仲德振示：「容袓兒屬猴，命格屬金，本身不論係桃花運或是夫星都比較弱，工作上雖然成日遇到異性，但都係工作上嘅朋友，到2014年佢就有機會拍拖，不過唔係真緣份，想結婚就要等到39歲，仲會係一段異地情添。」

　　他續說：「謝安琪屬蛇，命格屬土，依家行緊貴人桃花運，不過只係工作上，唔係異性，所以佢今年嘅事業運同財運都好好，但因為成日掛住做嘢，影響咗夫妻感情；咁啱屬羊、命格屬水嘅張繼聰，今年入咗個『三刑逢沖局』，沖事業運同夫妻宮，所以事業心重嘅佢，佢太太會有拗撬，今年年中兩個仲會分開一段時間，直至明年中先會喺返埋一齊。」