風水命理開運專家

		報章名稱：太陽報刊登日期：1999年11月11日文章主題：成龍留長髮即出事

　　面相學家區仲德師傅謂：「大哥嘅命卦屬土，五行欠木，會影響佢嘅財運同朋友運。如果佢想後天補救，可以留長頭變，因為頭髮屬木，就會增強佢嘅運勢。不過今年屬土，所以大哥今年容易犯太歲。而木又剋土，尤其上個月甲戌月就更加係木土相剋。咁啱大哥仲要留長頭髮過肩，變成佢五行有過多木，本來一直有助佢運勢嘅長髮，反而令佢所犯太歲更嚴重，招惹更多是非。」

易惹桃花劫
　　其次區仲德師傅又指大哥面相早已透露他易惹桃花劫：「男人個鼻主其生殖器官，大哥鼻大，亦即暗示佢性方面需求較多，好似克林頓都係。而且大哥嘅眼下淚堂位飽滿，下唇偏厚，加埋啲魚尾紋，呢啲都顯示大哥為人重情慾，桃花旺盛，多女性緣。」

命格旺紅色
　　另外，大哥一向深信穿紅色可起沖喜作用，所以每逢他覺得自己運勢欠佳時，即會穿紅色衫作沖喜。好像昨日大哥召開記者會時，雖以一身黑衫黑褲亮相，腳上則配一對紅白色波鞋。而據區仲德師傅透露，紅色乃大哥的大旺色，其次黑、灰、藍同樣對大哥有利。